Geston in Freita, den 06.08. homo in Niedodorf (Puschtotol) a Dorffeschtl ghob und hoir hom die Jaga und Fischa is erste Mol mitnondo a Standl ghob. Guat gong is. Jo jo ba dei guitn Sochn. Und mitn Wetto homo a an Gulo ghob. Hone wo gholfn awian Golasch und Plente schöpfn bis afa holba 2 di Nocht. In Kopf hätte schon ghob morgn in do Fria afn Reachbock zi gian, obo ob is audosteah? Um holba 5 isch der Wecka wo ougong. Teifl bine fa dei Fedon hort außa! Obo außa bine dechto. Die gonze Nocht hots gireng. "Wohin geahe heint ibohaupt?". Teifl afan Bam augn isch mos awian zi hale, awian ibonachtig bine und an Nebl hots a. I wär wo awian zi pirschn mit mein Hund Leila gian. Fohre augn afn Eggerberg in die Hintoseite, Richtung Gsies hint ochn. Tschaggle wo ibo a sehr Steigile inne. Siege an Reachrugge. Samo wo longsom nochn. Oschte a Sexale mi do Gas. Schaugin un mitn Gugga: " Der isch mo nicht zi letz, dein schiaße wenn in kriag." Ischa mo in a Grabile inne, nor honin nimma gsechn. Bine zi an Bam zuign awian unzistreichn. A krat kimba fira. Bums, hotsn wo inne in die Zwoschbabrum. "Weidmann´s Heil soge zi mir." Jo noch an Feschtl geahts Jagon am Beschtn und hagl isch man anet.

Weimann´s Heil

                                                                                      Bericht und Fotos: Patrick Kamelger, Revier Niederdorf