Die Schneehousn sein augongin, 1. Oktober, a Somste drzue! Den Toug miesmr nutzn af die weißn Housn zi gien!

Frieh sein mr gstartit und ollm dr übliche Trupp mit dabei: dr Martin (ot no vi ihm an Kolleg in Sepp mitkopp), dr Christian und I und logisch insere Hund HELLA, IARA und LUNA. A wunderschienr Herbschttoug ischs gwedn, obr leider viel zi truckn. De völlige Ruhe im Herbscht af die Berg – koan Vogl hert man mer, olls isch still und drzue de farbenreiche Londschoft, traumhoft!

Fleißig oubmse gsuecht die Hund, obr die längschte Weil isch nicht gongen. Galling oubmse decht no an Hous außardrstirget – und genau mir ischar kemmen! A riesige Frei onne kopp und die onderen mit mir mit. Gegn mittoug ougmr ins nor af dr Schnei niedrglott und oubm gimietlich Holbmittoug gessn. A richte schienr Ausblick afs Sarntoul oi oubmr kopp. Wieder a schienr Joggtoug ischs gwedn. Mir hoffn nö viele vi der Sorte zi drleibm.

                                                                                                               Bericht und Foto: Franz Spiess, Sarntal